Komunikado Pa prensa - 15 di desèmber 2011

Dos tersera parti di ekipo di beisbòl Ulandes ta yu di Kòrsou


Down load image 1		Down load image 3

Komunikado Pa prensa - Amsterdam 15 di desèmber 2011
Ramsay Soemanta -PR Officer Minister President van Curaçao

Djaweps mainta gerensia di Koninklijke Nederlandse Baseball en Softball Bond a deklará na Promé Minister Gerrit Schotte durante su bishita na Sportpark Ookmeer - Amsterdam Pirates ku dos tersera parti di e ekipo di beisbòl nashonal di Ulanda ta konsistí di yunan di Kòrsou.
Gerensia di e bond ta hopi sorprendé ku un pais di apénas 150.000 habitante i ku un superfisie di 444 kilometer kuadrá ta produsí asina tantu pelotero riba nivel profeshonal.

Promé Minister Schotte i Minister Plenipotensiario Sheldry Osepa i sobra miembronan di e delegashon a haña un rekorido den e kompleho di Pirates Amsterdam dor di entre otro Theo Decnop i John Witte di Ooms Avenhoorn kual ta e kompania di konstrukshon ku a traha e kompleho . Despues di e rekorido aki Promé Minister Schotte a risibí serka gerensia di KNBSB un T-Shirt original ku firma di tur e peloteronan di e tim Nashonal. Resientemente Presidente di Estádos Unídos Sr. Barack Obama tambe a risibí e mes un T-Shirt aki serka Minister Presidènt di Ulanda Sr. Mark Rutte durante su bishita na Washington.

Na final Sr. Schotte a risibí e buki "Honkbalgoud" serka e dos outornan Maarten Kolsloot i Wesley Meijer. Honkbalgoud ta konta e historia kon e ekipo di Ulanda a yega Panamá i bira kampeon mundial.

Promé Minister Schotte lo regresá Kòrsou djabièrnè 16 di desèmber.

baseball_campus_curacao_persbericht_2011_240x170