Willem4 Komunikado di prensa - 30 di ougùstùs 2011

 A kuminsá desaroyá Baseball Campus Curaçao

Firmamentu di e MOU.Riba e potrèt por mira sintá Maurice Adriaens (CAH) i Bob Verburg (Willem4) i pará patras Simon Kloppenburg (CAH) i Luis Santine (Willem4). Download image		Development area - Baseball Campus Curaçao & Automotive Center (Willem4, CAH, WitZaa, Oever Zaaijer Lyongo)   Download image		Firmamentu di e LOI. Riba e potrèt tin Felix Luzon (9Stars), Bob Verburg i Luis Santine (Willem4).   Download imag

 Maurice Adriaens (CAH), Bob Verburg i Luis Santine (Willem4) firmando un MOU, a duna e señal di inisio pa sigui desaroyá e Baseball Campus Curaçao. Partidonan a firma dos akuerdo pa desaroyá e tereno di 26 hèktar, ku ta bai enserá tambe un Kèmpes di Outomobil. Willem4 ta traha aki huntu ku 9 Stars Sports Management (Felix Luzon) i WitZaa, Dutch Baseball Consultinggroup(Lex van Zaane). OeverZaaijer Architectuur en Stedenbouw a firma e diseño urbano.

Desaroyo di talento 

Willem4 i WitZaa a tuma e inisiativa pa desaroyá un konsepto den kua hóbennan di Kòrsou ta keda stimulá pa finalisá Enseñansa Sekundario ku yudansa di un entrenamentu den beisbòl. Segun Bob Verburg hóbennan di Kòrsou tin un talento riba promedio pa hunga beisbòl. ‘E Baseball Campus Curaçao ta duna nan e chèns pa sigui desaroyá nan talento’, asina Bob Verburg, presidente di fundashon Willem4 a bisa.  Ta bai kombiná enseñansa regular ku treinennan di beisbòl. “Meta ta pa forma e talentonan na nivel di hungadónan di beisbòl profeshonal. I den kaso ku pa kualke rason esaki no sosodé, sikiera e alumnonan tin tòg un formashon regular pa kai bèk ariba”, asina Lex van Zaane a bisa na nòmber di WitZaa. Ta hinka e formashon aki den otro segun e Nederlandse Topsport Talentscholen (ántes Lootscholen). Tin luga pa 300 alumno di 12 pa 18 aña. “Nos ta kere ku e koperashon ku Willem4 lo tin resultado riba tèrmino largu den área di Karibe  i Amérika Latino. Lantamentu di e kèmpes di beisbòl ta importante pa 9 Stars por logra su meta pa bira den region e entregadó di mas grandi di hungadónan di beisbòl na MLB”, asina Felix Luzon di 9 Stars a bisa. 

Kèmpes multi-funshonal

E Baseball Campus Curaçao ta bai bini serka di Aeropuerto Internashonal di Kòrsou i ta bai kubri un área di mas o ménos 20 hèktar. Ta bai realisá mas fasilidat riba e kèmpes  ku ta bai fortifiká otro bou di kua tambe algun fasilidat pa otro deporte. Ta bai traha vèltnan pa trein chikitu i grandi pa asina timnan di MLB di Europa i di Merka por tene nan kampamentunan di trein. E stadion prinsipal tin luga pa 6.000 espektador, loke por keda ekspandé na 15.000 espektador pa ora tin evenementonan deportivo grandi. E stadion ta disponibel tambe pa tene konsierto. Ta bai bini un hotèl pa bishitantenan i riba e tereno tin espasio pa ofisinanan, tienda, horeca, krèsh i fasilidat médiko. “Asina ta forma un atkisishon di gran balor na desaroyo di aeropuerto di Kòrsou”, asina Maurice Adriaens a bisa na nòmber di Curaçao Airport Holding (CAH)

Internashon

 E Baseball Campus Curaçao ta bai funshoná tambe komo un sentro internashonal pa talentonan di Sur Amérika i di Karibe. 9 stars ta bai trein su talentonan den e Baseball Campus Curaçao. Esakinan ta anualmente entre 20 pa 30 talento hóben di 13 pa 15 aña kendenan a keda di skout pa 9 Stars na e.o. Colombia, Panamá, Repúblika Dominikano, Aruba i na Venezuela. Ku e ret di kontakto ekstenso di 9 Stars i WitZaa serka timnan di beisbòl na Merka, Amérika Latino, área di Karibe i Europa, ta oumentá e chèns pa nan haña un kontrato profeshonal. Tambe e Baseball Campus Curaçao ta ofresé klupnan europeo i merikano posibilidat pa hasi nan treinennan di invierno. Segun Hensley Meulens, ku ta leyenda di beisbòl di Kòrsou i entrenadó di San Francisco Giants: "E Baseball Campusa. Curaçao ta ofresé hóbennan e chèns pa desaroyá nan talento profeshonalmente. Guia profeshonal ta krusial pa saka e mihó di e hungadónan hóben. Pa hóbennan di Kòrsou Baseball Campus Curaçao ta e ambiente perfekto pa duna forma na nan ambishon." Henry Blanco, kècher di Arizona Diamondbacks a bisa: "Mi ta deseá e partnernan hopi éksito ku nan kèmpes di beisbòl. Nan por konta ku nos sosten pa mas talento di beisbòl den region.

Formashon pa fishi

Willem4 ta desaroyá tambe un Kèmpes di Outomobil. Aki ta bai bini diferente empresa ku ta duna servisio manera hürmentu di outo, un pòmp di gasolin, un kaya pa laba outo, reparashon i mantenshon. E empresanan aki ta bira skol di fishi pa e.o. alumnonan di e kèmpes di beisbòl. Via enseñansa práktiko ta duna lès di fishi manera téknika, servisio na kliente, atministrashon i konosementu gerensial. 

  Entusiasmo

Tin kaba bastante reakshon entusiasmá riba e inisiativa aki. E.o. di KNBSB, e hungadónan di e tim di beisbòl ulandes i CEB (Confederation of European Baseball) a ekspresá nan atheshon. Tambe diferente eks hungadó di Kòrsou a reakshoná entusiasmá i nan ta mir’é komo un desaroyo di gran balor pa e hóbennan talentoso di Kòrsou. Hamilton Richardson, miembro di e komishon di rekomendashon a bisa: “Esaki ta un bunita inisiativa. E ta bai duna un impulso ekonómiko importante na Kòrsou i na region.”   

Tokante di Fundashon Willem4 

Willem4 ta konektá kalidatnan i ta buska koperashon den strategia i realisashon. E ta inisiá finansiamentu ku preferensia pa un koperashon públiko-privá. E Fundashon ta skohe pa un konekshon pa logra metanan sosial ku programanan di realisashon ku mester bai kria nan mes. Willem4 ta entregá un ret di konosementu, eksperensia i inspirashon ku meta pa sostené inisiativanan ekonómiko i edukativo den paisnan anterior i aktual ulandes i teritorionan dentro di Reino ulandes.

Datonan di Baseball Campus Curaçao

Skèts di e proyekto na Hato. Diseñá pa Architectenbureau Oever Zaaijer Lyongo nv. Download Hi-Res image		Press release - 30 Aug-2011   Download PDF		Development Area - Automotive Center Curaçao (Willem4, CAH, Witzaa, Oever Zaaijer Lyongo) Download High Res imag

 _{Nota pa redakshon, no pa publikashon}

Por haña imágen di e proyekto riba www.willem4.nl/pers dia 31 ougùstùs for di 13.00. Pa mas informashon por tuma kontakto ku

^{Stichting Willem4}

Na Ulanda : Bob Verburg, presidente Willem4
Tel. +316 5329 2787 - email: This e-mail address is being protected from spambots. You need JavaScript enabled to view it
Na Kòrsou : Luis Santine, sekretario Willem4
Tel. (+599-9)529 1015 - email: This e-mail address is being protected from spambots. You need JavaScript enabled to view it

_{Stichting WitZaa}

Lex van Zaane: sekretario WitZaa
Tel. +31(0)75 6420 060 - email This e-mail address is being protected from spambots. You need JavaScript enabled to view it